Ўзбекистон ва Жанубий Корея Олимпия терма жамоаларининг баҳсидан сўнг дастлаб жамоамиз бош мураббийи Любинко Друлович матбуот-анжуманида иштирок этди.

“Бугунги учрашув биз учун муҳим эди. Зеро, бизнинг олдимизда гуруҳ босқичдан чиқиш вазифаси турган эди. Жанубий Корея термасига қарши баҳс доим қийин бўлган. Биринчи бўлимни ёмон ўтказмадик. Натижа ҳақида нима дейишим мумкин? Асосийси гуруҳдан чиқиш вазифасини уддаладик. Кейинги ўйинда яхшироқ ўйнашга ҳаракат қиламиз”, – деди Любинко Друлович.

– Ўйинчиларимиз нега жисмоний томондан қийналишди?
– Олти кун ичида 3 та учрашув ўтказиш қийин. Бунда ҳар қандай футболчида чарчоқ сезилади. Ўйлайманки, йигитлар жисмоний томондан у қадар ёмон бўлишмади аслида. Қолаверса, кореяликларнинг тезкор голи бизнинг зиммамиздаги вазифани янада қийинлаштирди.

– Кучли жамоаларга қарши жуда ҳам қийналиб келамиз. Бундан кейин нималарни ўзгартирмоқчисиз: тактиканими ёки ўйинчиларни?
– Биласизми, кореяликлар аввалги ўйин билан солиштирганда 7 та ўйинчисини алмаштирган. Бу футболчиларимизнинг яккакурашлардаги вазиятларда янада қийнади. Асосийси биз олдимизга қўйилган дастлабки вазифани уддалай олдик. Қолгани эса олдинда турган ўйинларда ҳал бўлади.