Таиландда ўтаётган U-23 Осиё чемпионатининг “С” гуруҳидан ўрин олган баҳслари якунланди. Сўнгги турда Ўзбекистон ОТЖ жанубий кореялик рақибларига қарши майдонга чиқди. Муросасиз кечган баҳс кореяликларнинг 2:1 ҳисобидаги ғалабаси билан якунланди. Ўйиндан сўнг терма жамоамиз ярим ҳимоячиси Нурилло Тўхтасинов билан суҳбатлашишга эришдик.

“Қийин ўйин ўтказдик. 6 кун ичида 3та ўйин. Ҳар қандай жамоа жисмонан чарчайди. Кўриниб турибди-ки Жанубий Корея терма жамоаси жуда кучли.

Корея термаси кучли мураббий ва маҳоратли футболчиларга эга. Шу сабабли бутун ўйин давомида биздан кўра яхшироқ ҳаракат қилишди. Менимча, бу мусобақадаги энг кучли жамоа. Насиб қилса, финалда улардан реванш оламиз.

Кейинги босқичда қайси жамоа тушишининг фарқи йўқ. Олдимизга чемпионликни мақсад қилиб қўйдикми, демак рақиб танлашга ҳаққиқмиз йўқ.  Бизни қўллаб-қувватлаб турган мухлисларга катта раҳмат айтамиз”, -дейди футболчи сайтимизга берган интервьюсида.