Тошкентнинг «Локомотив» клуби футболчиси Жамшид Искандеров тез орада Жанубий Корея клуби билан шартнома имзолайди. Бу ҳақда Tribuna.uz манбаси хабар берди.
26 ёшли яримҳимоячи Жанубий Кореянинг «K» лигаси вакили «Сеонгнам» клуби билан 2 йиллик шартнома тузиш арафасида турибди. Ўзбекистон миллий жамоасига номзод футболчи тез орада Жанубий Кореяга йўл олади ва янги клуби сафига қўшилади.
Маълумот учун, Жанубий Корея юқори дивизиони саналмиш «K» лиганинг янги мавсуми 29 февраль куни старт олади.
Эслатиб ўтамиз, олдинроқ Жамшид Искандеровга Россия клублари қизиқаётганлиги ҳақида хабарлар тарқалганди.
