Англиянинг «Ливерпуль» клуби бош мураббийи Юрген Клопп Африка чемпионати 2021 йилнинг қишда ўтказилишига ўз муносабатини билдирди.
«Ушбу мавзуни муҳокама қилиш ниятим йўқ. Лекин, ўйлайманки, шогирдларим мавсумнинг қоқ ўртасидаги Ҳалқаро турнирга кетиши биз учун катта муаммо. Бу биз учун қийин вазият.
Ажабланарли тарафи шундаки, ойлик тўлайдиган клублар ўз футболчиларини терма жамоага қўйиб юбормасликка ҳаққи йўқ.
Футболчиларга қисқа танаффус жуда қийин бўлади. Харри Кейн учун афсусдаман, у юқори босимли тақвим учун Евро-2020ни ўтказиб юбориши мумкин. Ҳеч ким футболчиларнинг ҳолати ҳақида қайғурмайди. Мусобақалар жуда кўп, Африка чемпионати эса биз учун яна бир бош оғриқ», — деди Юрген Клопп.