Туриннинг “Ювентус” клуби ҳужумчиси Гонсало Игуаин жамоа бош мураббийи Маурицио Сарри билан муносабати ҳақида гапириб ўтди.
"Мен ҳам бир ишлаган мураббийларидан нимадир ўрганганман. Лекин менга энг кўп таъсир ўтказган Сарри эканлигини яширишдан ҳожат йўқ. Маурицио ҳеч қачон таслим бўлмайди. У жуда қайсар ва мен ҳам шундайман. Қайсар бўлишнинг ёмон томони йўқ деб ўйлайман.
Жуда яхши муносабатдамиз. Бироқ, қайсарлик сабаб тез-тез орамизда низо келиб чиқади. Аммо биз буни юмшоқлик билан қиламиз. Сарри менинг энг зўр мавсумимга гувоҳ бўлган", - Игуаиннинг сўзларидан иқтибос келтирмоқда Tuttosport.
Эслатиб ўтамиз, Игуаин Сарри қўл остида “Наполи”ва“Челси” клубларида ҳам ўйнаган.