Каталониянинг «Барселона» клуби собиқ футболчиси, ҳозирда Япониянинг «Виссел Кобе» клубида тўп сураётган Андрес Иньеста футболчилик фаолиятини якунлашга шошилмаётганли ҳақида айтиб ўтди.
«Хави билан яна йўлимиз кечишса яхши бўларди, чунки, бизнинг мураббийлик тандемимиз барчага яна бир бор енгилмас «Барселона» даврларини эслатиб қўйиши мумкин. Аммо, бу ҳозирча ҳақиқатдан йироқ. Айни пайтда мен ўзимни мураббий сифатида кўрмаяпман, аммо келажакда албатта бу ҳақда ўйлайман.
Ҳали ҳам ўзимда қувват борлигини ҳис қиляпман.Ўтган мавсум менга жуда кўп ёқимли ҳис-туйғуларни олиб келди ва нди ҳар йили менинг фаолиятим қанча давом этиши мумкинлиги ҳақида ўйлайдиган бўлиб қолдим. Шуни таъкидлаб ўтишим керакки, мен ҳали футбол ўйнашни хоҳлайман», — деди Андрес Иньеста.