Kataloniyaning «Barselona» klubi sobiq futbolchisi, hozirda Yaponiyaning «Vissel Kobe» klubida to‘p surayotgan Andres Inyesta futbolchilik faoliyatini yakunlashga shoshilmayotganli haqida aytib o‘tdi.
«Xavi bilan yana yo‘limiz kechishsa yaxshi bo‘lardi, chunki, bizning murabbiylik tandemimiz barchaga yana bir bor yengilmas «Barselona» davrlarini eslatib qo‘yishi mumkin. Ammo, bu hozircha haqiqatdan yiroq. Ayni paytda men o‘zimni murabbiy sifatida ko‘rmayapman, ammo kelajakda albatta bu haqda o‘ylayman.
Hali ham o‘zimda quvvat borligini his qilyapman.O‘tgan mavsum menga juda ko‘p yoqimli his-tuyg‘ularni olib keldi va ndi har yili mening faoliyatim qancha davom etishi mumkinligi haqida o‘ylaydigan bo‘lib qoldim. Shuni ta’kidlab o‘tishim kerakki, men hali futbol o‘ynashni xohlayman», — dedi Andres Inyesta.
