«Barselona» vingeri Lamin Yamal La Liga doirasidagi «Selta»ga qarshi o‘yinda jarohat oldi. 18 yoshli futbolchi 40-daqiqada penaltini aniq amalga oshirib gol urdi, biroq birinchi bo‘lim oxirigacha maydonda qola olmadi – Xans-Diter Flik yosh yulduzni almashtirishga majbur bo‘ldi.

Jurnalist Rojer Torelyo bergan ma’lumotlarga ko‘ra, dastlabki tibbiy ko‘riklar Yamalning tizza osti payi mushaklari yirtilganini aniqlagan. Agar ushbu tashxis tasdiqlansa, futbolchi taxminan besh haftani o‘tkazib yuboradi va maydonga faqat Jahon chempionati oldidan qaytadi.

Lamin Yamal tomonidan kiritilgan gol «Selta» bilan bahsda yagonaligini saqlab qoldi. 25 aprel kuni kataloniyaliklar Ispaniya chempionatining navbatdagi turida «Xetafe» mehmoni bo‘lishadi.