Таиландда 23 ёшгача футболчилар ўртасида Осиё чемпионати ўтказилмоқда. Мусобақада иштирок этаётган Ўзбекистон олимпия терма жамоаси чорак финалда БААни йирик 5:1 ҳисобида таслим этди.
Мазкур учрашувдан сўнг ҳар икки жамоа бош мураббийлари ўртасида матбуот анжумани ўтказилди. Унда олимпия терма жамоамиз устози Любинко Друлович қуйидаги фикрларни билдирди:
– Мен бахтлиман. Жуда ҳурсандман. Ўйлашимча бугун жамоам катта иш бажарди. Ўйин аввалида дарвозабонимиз сейв ижро этди. Кейин ҳисоб 1:1 бўлганда биз устунликни қўлга олдик.
Ўзбекистонда чемпионат ноябрда тугаганди. Бу орада ўйинчилар озроқ дам олиб кейин бир ойлик йиғинга киришишди. Уларни жисмоний ҳолатини назорат қилиш қийин бўлди. Учрашувларда ҳам кучни тўғри тақсимлашга ҳаракат қилдик. Кейинчалик ҳам шундай ишлаймиз.
Мен гол ўтказганимизда ҳам хотиржам эдим. Чунки шогирдларим гол уриш салоҳиятига ишонардим. Биз ҳам руҳан, ҳам жисмонан тайёр эдик. Айниқса хужумимиз бугун албатта гол уришига ишонч бор эди. Энди шу тариқа давом эттиришимиз керак.
Ўйлашимча Европа футболидан нимадир олиб кира олганмиз. Португалия футболида кўп ишладим. Менга хужумкор футбол яқин. Ўзбекистон ҳам шундай ўйнайди. Ижрочилар ҳам бор.
Бизда амалдаги чемпионлар бор. Уларнинг ишончли ўйини муҳим. Мен жуда бахтлиман мана шундай жамоани шакиллантриганимиздан. Бизни олдинда Саудиядек кучли терма жамоа билан ўйнаймиз. Улар билан ўртоқлик ўйинида 2:2 ҳисобида дуранг қайд этганмиз. Уларда тикланиш учун бир кунга кўпроқ вақт бор. Аммо биз ҳам бу фарқни ё’ққа чиқаришга тайёр бўламиз.
