Tailandda 23 yoshgacha futbolchilar o‘rtasida Osiyo chempionati o‘tkazilmoqda. Musobaqada ishtirok etayotgan O‘zbekiston olimpiya terma jamoasi chorak finalda BAAni yirik 5:1 hisobida taslim etdi. 

Mazkur uchrashuvdan so‘ng  har ikki jamoa bosh murabbiylari o‘rtasida matbuot anjumani o‘tkazildi. Unda olimpiya terma jamoamiz ustozi Lyubinko Drulovich quyidagi fikrlarni bildirdi:

 – Men baxtliman. Juda hursandman. O‘ylashimcha bugun jamoam katta ish bajardi. O‘yin avvalida darvozabonimiz seyv ijro etdi. Keyin hisob 1:1 bo‘lganda biz ustunlikni qo‘lga oldik.

O‘zbekistonda chempionat noyabrda tugagandi. Bu orada o‘yinchilar ozroq dam olib keyin bir oylik yig‘inga kirishishdi. Ularni jismoniy holatini nazorat qilish qiyin bo‘ldi. Uchrashuvlarda ham kuchni to‘g‘ri taqsimlashga harakat qildik. Keyinchalik ham shunday ishlaymiz.

Men gol o‘tkazganimizda ham xotirjam edim. Chunki shogirdlarim gol urish salohiyatiga ishonardim. Biz ham ruhan, ham jismonan tayyor edik. Ayniqsa xujumimiz bugun albatta gol urishiga ishonch bor edi. Endi shu tariqa davom ettirishimiz kerak.

O‘ylashimcha Yevropa futbolidan nimadir olib kira olganmiz. Portugaliya futbolida ko‘p ishladim. Menga xujumkor futbol yaqin. O‘zbekiston ham shunday o‘ynaydi. Ijrochilar ham bor.

Bizda amaldagi chempionlar bor. Ularning ishonchli o‘yini muhim. Men juda baxtliman mana shunday jamoani shakillantriganimizdan. Bizni oldinda Saudiyadek kuchli terma jamoa bilan o‘ynaymiz. Ular bilan o‘rtoqlik o‘yinida 2:2 hisobida durang qayd etganmiz. Ularda tiklanish uchun bir kunga ko‘proq vaqt bor. Ammo biz ham bu farqni yo’qqa chiqarishga tayyor bo‘lamiz.