Италия чемпионатининг 20-тури доирасида «Ювентус» ўз майдонида «Парма»ни қабул қилиб, навбатдаги ғалабани қўлга киритди.

Биринчи бўлим тугаш арафасида Криштиану Роналду жарима майдони ташқарисидан зарба йўллади. Тўп эса йўл-йўлакай ўз йўналишини ўзгартирди ва меҳмонлар дарвозасига бориб тушди.

Иккинчи бўлим бошида "Парма" ҳужумчиси Корнелиус бурчакдан етказилган узатмани бош билан "Юве" дарвозасига жойлаб қўйди — 1:1.

Орадан атиги 3 дақиқа ўтиб Роналду яна бир марта рақиб дарвозасига йўл топди. Жарима майдонига кириб борган португалиялик футболчи жамоадоши томонидан етказилган узатмани ҳавога совурмади.

Учрашувда бошқа ҳисоб ўзгармади. "Интер"нинг очко йўқотишидан фойдаланган "кекса синьора" энди таъқибчисидан 4 очкога илгарилаб кетди.

Италия чемпионати, 20-тур
Ювентус – Парма 2:1 (1:0)
Голлар: 1:0 – 43 Роналду, 1:1 – 55 Корнелиус, 2:1 – 58 Роналду.
Ювентус – Шченсны, де Лигт, Алекс Сандро (Данило, 21), Бонуччи, Рэмзи (Игуаин, 59), Куадрадо, Матюиди, Пьянич, Рабьо, Роналду, Дибала (Дуглас Коста, 81).
Парма – Сепе, Якопони, Дармиан, Бруну Алвеш, Гальоло, Эрнани, Скоццарелла (Спрокати, 66), Кулусевски (Силигарди, 88), Куцка, Куртич, Инглезе (Корнелиус, 44).
Огоҳлантириш: Куртич (71).