Каталониянинг “Барселона” клуби бош мураббийи Кике Сетьен “Ибица” клубига қарши бўлиб ўтган учрашувда ўз футболчиларига эътирози борлигини айтиб ўтди.
«Ўйин бошидаёқ қийин бўлишини билгандик. Рақибимиз бизнинг ўйин услубимизни мукаммал ўрганиб чиқди ва бу бизни ишимизни қийинлаштирди. Биринчи бўлимда мезбонлар ўзларини яхши ҳис қилишди. Бироқ, футбол ўйини 90 дақиқадан ортиқроқ ўйналади ва буни футболчиларимиз жуда яхши тушунишди.
«Барселона»нинг 60-дақиқагача кўрсатган ўйини ёқмади. Қўл остимдаги футболчилардан бошқача ўйин намойиш этишларини кутган эдим. Рақиб дарвозаси олдида кўплаб вазиятларни содир этишимиз шарт. Шунингдек, юзага келтирадиган вазиятларимиздан унумли фойдаланишимиз шарт», — деди Кике Сетьен.