Англиянинг «Манчестер Юнайтед» клуби бош мураббийи Оле-Гуннер Сульшер «Бернли» клубидан қабул қилиб олинган мағлубиятдан кейинги фикрларини билдирди.
«Шубҳасиз, қайд этилган натижадан ҳафаман. Барчамиз ақлбовар қилмас даражада ғазабдамиз. Футболчилар бор кучларини ишга солмоқда, аммо, бу “Бернли” клуби билан учрашувда камлик қилди. Уларнинг руҳан қийин ахволда қолгани сезилиб турди. Бизга креативлик етишмади.
«Манчестер Юнайтед» клуби таркибида ўйнаш — катта шараф. Жамоа дунёнинг буюк клубларидан бири саналади. Баъзан иродани синдирадиган вазиятлардан ўтишга тўғри келади. Ишонаманки, қўл остимдаги футболчилар бу қийинчиликдан ўта олади», — деди Оле Гуннар Сульшер.