Англиянинг «Манчестер Юнайтед» клуби собиқ сардори Гари Невилл «қизил иблислар»нинг «Бернли» клубига имкониятни бой берганидан кейин ўз фикрлари билан ўртоқлашди.
«Ушбу натижа раҳбариятни чора кўришга мажбур қилиши керак. Шубҳасиз, Сульшерга вақт берилишига ҳақли. Мен «Манчестер Юнайтед»нинг ушбу таркибида етарлича тажрибали деб ўйламайман. «МЮ» футболчилари «Олд Траффорд»да ўйинларда босимни енга олишмаётгандек туюлмоқда. Ўйлайманки, улар мавсум якунига келиб юқори ўринларни қўлга киритиши учун қишки трансфер бозорида иккита янги ўйинчи сотиб олиши тўғри келади.
Жамоа ҳаракатларида баъзи ижобий нарсалар мавжуд. Мен «МЮ» таркибида ўйнаётган ёш футболчиларнинг энергиясини кўряпман. Гап шундаки, бу таркибга ҳозирча тажриба етишмаяпти. Мухлислар бунга дош беришга мажбур бўлмоқда», — деди Гари Невилл.