Бир ҳафта давомида пойтахтимизда ўқув-машғулот йиғини ўтказган "Қизилқум" вакиллари Навоий шаҳрига қайтишди. Тошкентда аввал Суғдиёна 1-0, кейин "Локомотив" БФК 3-0 ҳисобида таслим этилди, шунингдек футболчилар тиббий кўрик ҳамда тест-нормативларни топширишди.
"Қизилқум" ПФК бош мураббийи Ҳамиджон Актамов футболчиларга 2 кунлик таътил берди. Машғулотлар эса 26 январьдан Навоий шаҳрида қайта старт олади ва йиғин давомида бир нечта ўзаро назорат учрашувлари ташкил этилиши мақсад қилинган.