Англиянинг «Ливерпуль» клуби бош мураббийи Юрген Клопп «Саутгемптон» клубига қарши ўйиндан кейин ўтказилган матбуот анжуманида жамоа ҳужумчиси Фирмино ҳақида илиқ фикрларни билдирди.
«Бобби – жуда ақлли футболчи. Тўғрисини айтганда, мен бундай ақлли футболчиларни билмайман. Адашмасам, бундай футболчи йўқ.
Барча ҳужумчиларга яхши паслар керак. Фирмино нафақат гол киритишни, балки жамоадошларини тўп билан таъминлаб беришни ҳам уддалай олади.
Фирмино жамоадошларининг энг яхши томонларини очиб бера олади. Унинг ноёб иқтидори бор. Дунёда иккинчи Фирмино йўқ», — деди Юрген Клопп.
