Англиянинг «Манчестер Сити» клуби футболчиси Фернандиньо «Тоттенхэм» клубидан қабул қилиб олинган мағлубият ҳақида фикр билдирди.
«Яхши ўйин бўлди. Бугун ҳам худди аввалги мавсумдек ўйнадик. Юзага келтирган кўплаб вазиятларимиздан фойдаланиб, ғалаба қозонишимиз шарт эди.
Бир-биримизни қўллаб-қувватлашимиз шарт. Ҳозир ОАВ ушбу мағлубият сабабчисини топишга ва обрўсизлантиришга ҳаракат қилади. Ҳеч ким айбдор эмас, футболда бундай ҳолатлар рўй беради.
Агар «Манчестер Сити» юзага келтирган вазиятлардан унумли фойдаланганида аниқ ғалаба қозонган бўларди. Ўшанда бизни ҳеч ким танқид қилмаган бўларди», — деди Фернандиньо.
