Хабарингиз бор, эртага “Пахтакор” ўз майдонида ОЧЛ 1-туридан ўрин олган бағсда “Шабаб Ал Аҳли”ни қабул қилади. Бугун ўйин олдидан матбуот анжумани ўтказилди. Дастлаб Шота Арвеладзе ва Егор Кримец саволларга жавоб бериб ўтди.

Барчани янги бошланаётган мавсум билан табриклайман. Қанчалик қийин гуруҳдалигимизни биламиз. Эртага ўз ўйинимизни кўрсатиб ғалаба қозонишга ҳаракат қиламиз.

Егор Кримец: – Биз ўзимиз кутаётган мавсумни бошлаймиз. Мухлисларни стадионга келиб, бизни қўллаб туришларини сўрайман.  Уларнинг ишончини оқлашга интиламиз.

Раҳбарият сизга қандай вазифа қўйган?

– Гуруҳдан чиқиш.

– Жамоанинг руҳий ҳолати қандай?

– Ҳозирги ҳолатимиз яхши, лекин ўн ўйин ўтказганингда яхшироқ вазиятда бўласан. Ўтган йили ҳам биз учун мавсум шундай бошланганди. Рақибимиз ҳужумкор футбол ўйнайдиган жамоа. Таркибида яхши футболчилари бор. Чемпионатида яққол пешқадамлик қилмоқда. Барча ўйинчи эртанги беллашувда иштирок этишга шай ҳолатда туришибди.

– Рақиб ҳақида қандай фикр билдирасиз?

– Рақиб ҳужумда жуда кучли. Шунингдек, ҳимояда ҳам кучли. Ғаниевни қўшиб олгач улар янада кучайди. Рақиб сафида индивидуал маҳоратга эга футболчилар етарлича. Менимча, рақиб ҳам футбол ўййнашни ёқтирадиган жамоа.

– Жамоага янги келиб, қўшилган Дейдийўқ ҳақида фикр билдириб ўтсангиз?

– Сафимизга келиб қўшилган Дердийўқ жуда яхши инсон ва ўйинчи эканлигини кўрсатди. У бизга тез қўшилиб кетди. Вақт ўтиши билан жамоага яхшироқ киришиб кетади. Рақибдан бирор ўйинчини кўрсатиб ўтирмасдим. Жамоавий яхши ўйнашга интилишади. Биз ўз футболимизни намойиш этишга уринишимиз керак.