Англиянинг “Ливерпуль” клуби Италиянинг “Интер” клуби ярим ҳимоячиси Марцело Брозович учун курашга қўшилди.
“Джузеппе Меацца”да бўлиб ўтган “Милан дербиси”ни томоша қилиш ва Марцело Брозовични кузатиш учун “Ливерпуль” вакиллари ташриф буюрди дея хабар бермоқда FCInterNews.
Хорватиялик футболчининг “Интер” клуби билан тузган шартномаси 2022 йилнинг июнь ойигача мўлжалланган, бироқ, унга Италиядан ташқи бирор чемпионатдан таклиф бўладиган бўлса, у ҳолда футболчи 60 миллион евро эвазига клубни тарк этиши мумкинлиги ҳақида банд бор.
Эслатиб ўтамиз, Брозовичга Мадриднинг “Реал” клуби ҳам қизиқиш билдирмоқда.