Инсайдер Фабрицио Романонинг хабар беришича, Жон Стоунз шу ёзда «Манчестер Сити»ни эркин агент сифатида тарк этади.
31 ёшли ҳимоячининг амалдаги шартномаси 30 июнга қадар мўлжалланган. У мавсум якунигача жамоасига ёрдам беришни, шундан сўнг клубдан кетишни режалаштирмоқда.
Англиялик футболчи худди аввалроқ жамоадан кетишини тасдиқлаган Бернарду Силва каби, июнь ойида «шаҳарликлар» сафидаги фаолиятини якунлайди.
Стоунз 2016 йилдан бери «Сити» шарафини ҳимоя қилиб келмоқда ва бу давр мобайнида жамоа билан биргаликда 18 та совринни қўлга киритди.
