Бразилиялик ярим ҳимоячи Бундеслига билан АПЛни таққослади.
Мюнхеннинг “Бавария” клуби ярим ҳимоячиси Филиппе Коутиньо Германия чемпионати савияси фикр билдирди.
"Сўнгги бир неча ойда шунга амин бўлдимки, Бундеслига жуда мувозанатли чемпионат ҳисобланади. Бу ерда ҳамма ғалаба қозонишни хоҳлайди, шу боис, бу ерда чемпион бўлиш қийин.
Шу тарафлама Германия чемпионати АПЛга ўхшайди. У ерда жисмоний тайёргарлик биринчи ўринда туради. Майдонда ўйлаш учун вақт бўлмайди. Германияда ҳам Англия каби тезкор ўйин кўрсатишади. Аммо футболчилар техник ўйин намойиш этишга ҳам ҳаракат қилишмоқда", - Коутиньонинг сўзларидан иқтибос келтирмоқда Sports Illustrated.
