Италиянинг «Милан» клуби бош мураббийи Стефано Пиоли Италия Кубоги ярим финал доирасида Туриннинг «Ювентус» клубига қарши бўлиб ўтадиган учрашув ҳақидаги фикрлари билан ўртоқлашди.
«Ушбу учрашувннинг биринчи бўлимида “Милан дербиси”да “Интер”га қарши кўрсатган ўйинимизни намойиш этишимиз керак. Гарчи, ўша учрашувда очко ололмаган бўлсакда, ўша учрашув орқали жамлаган тажрибамизни ҳеч нарсага алмашмаймиз. «Нерадзурилар» ўша учрашувда бизга дарс ўтишди.
Олдимизда турган учрашув «Милан» учун муҳим аҳамият касб этади, чунки биз мухлислар қаршисида тикланиб боряпмиз. “Милан” Кубокни ютиш учун ажойиб имкониятга эга. Агар биз ҳал қилувчи баҳсга кириша олсак, бу биз учун улкан муваффақият ҳисобланади. Клубимизнинг барча аъзоси бу қийинчиликка тайёр турибди», — деди Стефано Пиоли.
