Туриннинг «Ювентус» клуби бош мураббийи Маурицио Сарри «Милан» (1:1) клубига қарши бўлиб ўтган учрашув ҳақидаги фикрлари билан ўртоқлашди.

- Ҳимоядан чиқишда ва аниқ пасларни амалга оширишда рақибдан яхшироқ ҳаракат қилдик. Ҳаракатимиз давом этмоқда, ишлашда давом этяпмиз. Оддий бўлган вазиятларда гол ўтказиб юборяпмиз худди бугунгидек. Менинг фикримча, ўша вазиятда тўпни қайтариб юбориш қийин эмасди. Баъзида жуда секин ҳаракат қилдик ва жарима майдончаси ичида Ибрагимовичга эркинлик бериб қўйдик. Тўғри, унга узатилган тўплар етиб бормади, лекин унинг ҳаракталари ҳимоямизга қаршилик кўрсатди. Ҳимояда етарлича тажовузкор ўйин намойиш эта олмадик. Сўнгги уч ҳафтада ҳаракатларимиз тўхтаб қолди, оддий вазиятларда гол ўтказиб юборяпмиз. Бошқа тарафдан олиб қараганда, А Серияда энг яхши ҳимояга эга бўлган клубдан атиги иккита гол ўтказиб юбордик, шу сабаб, буни катта муаммо деб бўлмайди. 15 кун аввал ажойиб формада эдик, бугун аввалгига қараганда ёмонроқ, аммо яна 15 кун мобайнида аввалги формамизга қайтиб олишимиз мумкин. Футболда башорат қила олмайсиз, лекин бугун ёқимли лаҳзаларни ҳам кўрдим, — Саррининг сўзларидан иқтибос келтирмоқда Football Italia.