Turinning «Yuventus» klubi bosh murabbiyi Maurisio Sarri «Milan» (1:1) klubiga qarshi bo‘lib o‘tgan uchrashuv haqidagi fikrlari bilan o‘rtoqlashdi.

- Himoyadan chiqishda va aniq paslarni amalga oshirishda raqibdan yaxshiroq harakat qildik. Harakatimiz davom etmoqda, ishlashda davom etyapmiz. Oddiy bo‘lgan vaziyatlarda gol o‘tkazib yuboryapmiz xuddi bugungidek. Mening fikrimcha, o‘sha vaziyatda to‘pni qaytarib yuborish qiyin emasdi. Ba’zida juda sekin harakat qildik va jarima maydonchasi ichida Ibragimovichga erkinlik berib qo‘ydik. To‘g‘ri, unga uzatilgan to‘plar yetib bormadi, lekin uning haraktalari himoyamizga qarshilik ko‘rsatdi. Himoyada yetarlicha tajovuzkor o‘yin namoyish eta olmadik. So‘nggi uch haftada harakatlarimiz to‘xtab qoldi, oddiy vaziyatlarda gol o‘tkazib yuboryapmiz. Boshqa tarafdan olib qaraganda, A Seriyada eng yaxshi himoyaga ega bo‘lgan klubdan atigi ikkita gol o‘tkazib yubordik, shu sabab, buni katta muammo deb bo‘lmaydi. 15 kun avval ajoyib formada edik, bugun avvalgiga qaraganda yomonroq, ammo yana 15 kun mobaynida avvalgi formamizga qaytib olishimiz mumkin. Futbolda bashorat qila olmaysiz, lekin bugun yoqimli lahzalarni ham ko‘rdim, — Sarrining so‘zlaridan iqtibos keltirmoqda Football Italia.