Англиянинг “Манчестер Сити” жамоаси устози Пеп Гвардиола “Реал Мадрид”га қарши бўлиб ўтган Европа чемпионлар лигаси нимчорак финал босқичи доирасида бўлиб ўтган ўйин ҳақидаги фикрлари билан ўртоқлашди.

— Пеп, “Реал Мадрид” устидан қозонилган ғалабадан сўнг футболчиларингиз билан фахрланасизми?
— Ҳа, албатта. Энг қувонарлиси шундаки, биз бугун енгилиб туриб ғалабани илиб кетдик. Дунёнинг энг кучли жамоасига қарши ўйинда характер намойиш этдик. Учрашув бошида жуда қийналдик. Биринчи бўлимда 10 та кетма-кет пас беришнинг ҳам уддалай олмадик. “Реал”га қарши ўз услубимизда ўйнаш осон бўлмади. Энг муҳими биз ҳаммасини четга суриб ташлашга ва ўйинни қўлимизга олишга муваффақ бўлдик. “Реал Мадрид” гол киритгач, ўйин ритмига тушиб олди. Уларнинг қўли баланд келаётган жараёнда гол урганимиз учун тўлиқлигича майдонни қайтариб олдик. Ҳозир биз бахтлимиз, лекин жавоб учрашувм яқинлашгани сари ҳаяжонимиз ортиб боради. Ҳали ҳеч нарса ўз якунига етгани йўқ. Олдинда яна битта ўйин бор. Мадрид жамоаси жуда тажрибали футболчилардан ташкил топган. Шунга қарамай, ўз майдонимизда яхши ўйин кўрсатишга умид қиламан.

— Пенальтини нега Кевинга топширдингиз?
— Бунинг ҳеч қандай сири йўқ. У ўзи менга пенальти тепишга тайёрлигини айтди ва биз унга ишондик. Ўйиндан сўнг, унга маъсулиятни ўз бўйнига олгани учун раҳмат айтдим. Қолган футболчиларимга ҳам албатта. Катта босим остида пеналти тепиш жуда мушкул. Мана шундай ҳолатда бу ишни ўз бўйнига олган футболчиларни ҳар қанча мақташ мумкин.

— Пеп, жамоангиз тушиб қолган қийин вазият сабабли йигитларингизга мотивация бердингизми?
— Йўқ. Бундай қилмадик. Биз вазиятни бошқаришга қодир эмасмиз. Бизнинг вазифамиз майдонга тушиш ва ғалаба қозониш. Бизнинг адвокатларимиз бу борада қизғин иш олиб боришмоқда. “Реал” устидан қозонилган ғалабамиз мен учун катта воқеа эмас. Ўтган йили ҳам биз ЕЧЛда жуда яхши иштирок этган эдик. “Тоттэнҳэм” билан ўйинни эсланг. Биз ўшанда пенальтини аниқ амалга оширганимизда барчаси бошқача кўриниш олган бўлар эди. ЕЧЛ шуниси билан ўзгача мусобақа. Барча бу мособақада ғолиб чиқишни истайди, лекин бу осон иш эмас. Клубимизга бўлаётган босимдан хавотирга тушмаяпмиз.