Хабарингиз бор, “Манчестер Юнайтед” Англия Кубоги доирасида “Дерби”га қарши майдонга тушади. “Дерби” клуби дарвозабонлар мураббийи Шей Гивен Руни гол урса уни нишонлашга тайёр эканлигини маълум қилди.
“Уэйн гол уришни ёқтиради. У нишонлашни рад этиши керак эмас. У буни қилмайди деб, ўйламайман. Тўғри, унда клубга бўлган ҳурмат бор, бироқ ўйиннинг даражаси... Ҳеч қачон собиқ жамоасига гол урган ва нишонламаган футболчиларни тушунмайман”, -дейди Гивен.
Эслатиб ўтамиз, Руни январдан буён “Дерби” шарафини ҳимоя қилиб келмоқда. Руни 11та ўйинда майдонга тушиб, 3та гол уришга эришган.
