Англия кубогининг нимчорак финал босқичи доирасида кутилмаган натижа қайд этилди. «Тоттенхэм» ўз майдонида АПЛ аутсайдери «Норвич»ни қабул қилиб, имкониятни бой берди.

Баҳснинг 13-дақиқасида Ян Вертонген ҳисобни очган бўлса, ўйин тугашига 12 дақиқа қолганида меҳмонлар мувозанатни тиклашди.

Қўшимча бўлимларда ҳисоб ўзгармади. Пенальтилар сериясида эса лондонликларнинг битта зарбаси ноаниқ бўлган бўлса, уларнинг 2та зарбасини "Норвич" посбони Тим Крул қайтаришга муваффақ бўлди — 2:3.

Шу тариқа, "Тоттенхэм" Англия кубогини тарк этган бўлса, "канарейкалар" чорак финалга йўл олишди.

Англия кубоги, нимчорак финал
Тоттенхэм – Норвич 1:1 (1:0, 0:1, 0:0, 0:0), пенальти серияси - 2:3
Голлар: 1:0 – 13 Вертонген, 1:1 – 78 Дрмич.
Тоттенхэм – Ворм, Вертонген, Орье, Санчес, Алли (Пэрротт, 96), Скипп, Лукас Моура (Ламела, 70), Ло Чельсо, Бергвейн (Жедсон Фернандеш, 54), Уинкс (Ндомбеле, 81), Дайер.
Норвич – Крул, Льюис, Ааронс, Годфри, Хэнли, Рупп (Ида, 72), Кэнтуэлл, Вранчич (Маклин, 67), Буэндиа (Штиперманн, 97), Трибулл (Тетти, 89), Дрмич.
Огоҳлантиришлар: Вранчич (12), Скипп (71), Хэнли (73).