Angliya kubogining nimchorak final bosqichi doirasida kutilmagan natija qayd etildi. «Tottenxem» o‘z maydonida APL autsayderi «Norvich»ni qabul qilib, imkoniyatni boy berdi.

Bahsning 13-daqiqasida Yan Vertongen hisobni ochgan bo‘lsa, o‘yin tugashiga 12 daqiqa qolganida mehmonlar muvozanatni tiklashdi.

Qo‘shimcha bo‘limlarda hisob o‘zgarmadi. Penaltilar seriyasida esa londonliklarning bitta zarbasi noaniq bo‘lgan bo‘lsa, ularning 2ta zarbasini "Norvich" posboni Tim Krul qaytarishga muvaffaq bo‘ldi — 2:3.

Shu tariqa, "Tottenxem" Angliya kubogini tark etgan bo‘lsa, "kanareykalar" chorak finalga yo‘l olishdi.

Angliya kubogi, nimchorak final
Tottenxem – Norvich 1:1 (1:0, 0:1, 0:0, 0:0), penalti seriyasi - 2:3
Gollar: 1:0 – 13 Vertongen, 1:1 – 78 Drmich.
Tottenxem – Vorm, Vertongen, OrYE, Sanches, Alli (Perrott, 96), Skipp, Lukas Moura (Lamela, 70), Lo Chelso, Bergveyn (Jedson Fernandesh, 54), Uinks (Ndombele, 81), Dayer.
Norvich – Krul, Lyuis, Aarons, Godfri, Xenli, Rupp (Ida, 72), Kentuell, Vranchich (Maklin, 67), Buendia (Shtipermann, 97), Tribull (Tetti, 89), Drmich.
Ogohlantirishlar: Vranchich (12), Skipp (71), Xenli (73).