Арсенал" "Гент" ҳужумчиси Жонатан Дэвидга қизиқмоқда, дея хабар беради Goal.com нашри.

Манбанинг хабарига кўра, "тўпчилар" раҳбарияти 20 ёшли канадалик футболчини келаётган ёзги трансфер ойнасида жамоадан кетиши мумкин бўлган 30 ёшли ҳужумчи Пьер-Эмерик Обамеянгнинг ўрнини босишига умид қилмоқда.

Нашрнинг хабарига кўра, "Арсенал" ҳужумчи учун 17,5 миллион евро беришга тайёр.

Шу билан бирга, Дэвиднинг ўзи ҳам Франция ёки Германия чемпионати жамоаларидан бирига ўтишни хоҳламоқда.

2019/20 йилги мавсумда Дэвид "Гент" учун барча турнирларда 39 та ўйинда 23 та гол урди ва 10 та голли узатмани амалга оширди.