"Дерби Каунти" мураббийи Уэйн Руни "Манчестер Юнайтед"нинг ҳолати ҳақида ўз фикрларини билдирди.
"Бу вақт талаб этади. Менимча, яна икки ёки уч йил керак бўлади. Улар баъзи ўйинчиларни жалб қилишлари керак, баъзи ўйинчиларни олиб ташлашлари керак. Бу тезда юз бермайди. Ван Гаал ва Моуриньо олдин ҳам уринишган, аммо улар муваффақиятга эриша олишмаган.
"Ливерпуль"га ва улар эришган ютуқларга қаранг. Улар жамоани сотиб олишмади, уни яратишди. Масалан, "Сити"да Гвардиола аста-секин катта ўйинчиларни олиб келди, бу унинг услуби .
Демак, "Юнайтед" бироз сабрли бўлиши ва иккаласига қарши чиқа оладиган жамоани яратишга ҳаракат қилиши керак. Мухлислар сабрли бўлишлари керак", - деди Руни.
