УЕФА президенти Александер Чеферин Англия футбол ассоциациясига Англия лига кубоги турниридан воз кечишни таклиф қилди.

«Ушбу турнир бошқа ўтказилмаса, барчага яхши бўлар эди. Муаммо шундаки, Англия лига кубоги туфайли қийин ҳолатдаги кўп жамоалар молиявий манфаат кўради. Шунинг учун уни бекор қилиш қийин эканини тушунаман. Англияда қадриятларга жиддий қаралади, сиз узоқ йиллардан бери давом этадиган анъаналарни яхши кўрасиз», — деди Чеферин.

Шунингдек, УЕФА президенти Франция ҳам Лига кубогини ўтказишдан воз кечганини таъкидлади. «Фақат Англия қолди», — қўшимча қилди у.

Англия лига кубоги футбол тарихидаги энг қадимий мусобақа бўлиб, у 1960 йилдан бери ўтказилиб келинади. Унда тўртта дивизион клублари иштирок этишади. Мусобақа ғолиби Европа лигаси йўлланмасини қўлга киритади.