Собиқ ҳакам Эдуардо Итурральде Гонсалес "Барселона" — "Реал Сосьедад" ўйинида белгиланган пенальти ҳақида фикр билдирди.
Эслатиб ўтамиз, бош ҳакам Хуан Мартинес Мунуэра ВАР туфайли тўп меҳмонлар аъзоси Робен Ле Норманнинг қўлига теккан деб ҳисоблаган ва пенальти берганди.
"Агар қўл қандай ҳолатда тўпга тегса пенальти берилиши кераклигини эсласак, бу вазиятда қоида бузилиши бор эди. Чунки қўл ҳавога кўтарилди ва тўп йўлини тўсиб қолди.
Биз ҳозир тўп қўлга теккан вазиятларнинг кўпида ҳуштак чаляпмиз. Ҳозир тўп қўл билан ўйналганда қоида бузилганми, йўқми, тушуниш ҳам қийин бўлиб қолди", — деди Итурральде.
