"Тоттенхэм" яримҳимоячиси Лукас Моура Чемпионлар Лигаси 1/8 финалининг иккинчи ўйинида "Лейпциг"дан учралган мағлубият ҳақида фикр билдирди.
Биз ўзимизни жуда ёмон ҳис қиляпмиз. Ҳаммамиз жуда хафамиз, чунки ушбу ўйинда ғалаба қозониб кейинги босқичга ўтишимизга ишонган эдик. Биз ҳаракат қилдик. Биз охиригача ҳаракат қилдик, курашдик ва бор кучимизни бердик, аммо бу амалга ошмади. Жуда яхши жамоага қарши ўйнадик, улар ғалабага лойиқ эди, бу футбол. Энди биз бошимизни эгмай олдинга интилишимиз ва курашни давом эттиришимиз керак - деб айтиб ўтди Лукас Моура.
