Туриннинг “Ювентус” клуби ҳимоячиси Даниэл Ругани коронавирусга чалинди. Бу ҳақида “Ювентус” расмий сайти маълум қилмоқда. Клуб футболчи билан сўнгги кунларда алоқада бўлган барча футболчиларнинг рўйхатини тузиб чиққан.
Эндиликда рўйхатдаги футболчиларнинг барчаси тест топширишларига тўғри келади. Ҳозирча футболчининг аҳволи ҳақида маълумот йўқ, бироқ бу воқеа “Ювентус” ва “Лион” ўртасидаги ЕЧЛ доирасидаги жавоб учрашувининг қолдирилишига сабаб бўлиши мумкин.
Эслатиб ўтамиз, шу кунга қадар Италияда коронавирус билан 9 минг киши оғримоқда. Қурбонлар сони эса 168 кишини ташкил этмоқда.
