Turinning “Yuventus” klubi himoyachisi Daniel Rugani koronavirusga chalindi. Bu haqida “Yuventus” rasmiy sayti ma’lum qilmoqda. Klub futbolchi bilan so‘nggi kunlarda aloqada bo‘lgan barcha futbolchilarning ro‘yxatini tuzib chiqqan.
Endilikda ro‘yxatdagi futbolchilarning barchasi test topshirishlariga to‘g‘ri keladi. Hozircha futbolchining ahvoli haqida ma’lumot yo‘q, biroq bu voqea “Yuventus” va “Lion” o‘rtasidagi YECHL doirasidagi javob uchrashuvining qoldirilishiga sabab bo‘lishi mumkin.
Eslatib o‘tamiz, shu kunga qadar Italiyada koronavirus bilan 9 ming kishi og‘rimoqda. Qurbonlar soni esa 168 kishini tashkil etmoqda.
