“Ливерпуль” жамоаси бош мураббийи Юрген Клопп “Атлетико Мадрид”га қарши учрашувдан (2:3) сўнг, ўз фикр ва мулоҳазаларини баён қилди.

"Таблодаги 2:1 ҳисоби жуда ёқимсиз бўлса-да, биз учун муаммо туғдиргани йўқ, бироқ 2:2 натижаси чинакам муаммога айланди.

Ўтказиб юборилган иккинчи голдан сўнг, футболчиларим чарчаб қолишганини ҳис этишди. Айнан ўша голга қадар майдонда ўхшаётган ишларимизнинг барчаси жуда қийинчилик билан амалга ошишни бошлади.

Узатмаларимиз умуман ўзига ўхшамай қолди. Биринчи ва иккинчи голдаги узатмаларни амалга оширган йигитлар ўтказиб юборилган голлардан сўнг барчасини унутиб қўйишгандек туюлди.

Мен бугун ўз жамоамнинг ўйинидан тўлиқ қониқиш ҳосил қилдим. “Атлетико” сингари жамоаларга қарши тўп суриш жуда мушкул вазифа. Мен рақибларимиз шундай классга эга бўла туриб нима учун бундай футбол ўйнашларини тушуна олмаяпман. Улар чинакам футбол ўйнашга қодир бўлсалар-да, чуқур ҳимояга ётиб олиб фақат қаршиҳужумга таянишди.

Биз бугунги натижа аслида нотўғри бўлсада, уни қабул қилишга тайёрмиз. Қанчалар омадсиз эканлигимни англаб турибман. Айниқса, бугун йигитлар тўрттадан икки қатор ҳимоячи билан ҳаракат қилган дунё даражасидаги жамоага қарши бор кучлари билан ҳаракат қилиб ҳам натижа кўрса олишмаганида бу яққол сезилади.

Ҳа, сўнгги икки йил давомида омад биз билан эди. Омадли бўлмаганимизда ЕЧЛ финалида икки бор ҳаракат қилмаган бўлар эдик. Шунга қарамай, бугун омад биздан энг керакли паллада юз ўгирди", — деди германиялик мутахассис.