Испаниянинг "Валенсия" клуби расмий сайти жамоа мураббийлар штаби, техник ходимлари ва футболчилари орасида коронавирусга чалинганлар ҳақида янги маълумот тарқатди.

Барча беморлар ўз уйларида изолацияга олинган. Айнан қайси футболчилар бу касалликка чалинганлиги ва неча нафар инсон беморлиги ҳақида маълумот берилмаяпти.

Аввалроқ "Валенсия" клубининг россиялик футболчиси Денис Черышев жамоанинг беш нафар аъзоси коронавирусга чалинганлиги ҳақида маълумот берганди. Кейинчалик бу маълумотни Эсекьель Гарай, Эльяким Мангаля ва Хосе Гайялар ҳам тасдиқлади.