Россия терма жамоаси ва Москванинг "Спартак" клуби собиқ футболчиси Александр Мостовой бутун дунё кураш олиб бораётган коронавирус ҳақидаги фикрлари билан ўртоқлашди.

"Европанинг бир қатор мамлакатлари ўз чемпионатларини якунлаганида биз ҳам эртами, кечми шундай қарорга келишимиз кераклигини айтгандим. Вируснинг бундай тез тарқалиб кетаётган пайтда чемпионатни тўхтатмаслик аҳмоқлик бўларди. Гўёки биз бошқа қитъада яшаётгандекмиз. Чемпионатни тўхтатиб тўғри иш қилдик, чунки вазият жиддий тус олмоқда. Россияда ким чемпион бўлишни нима фарқи бор? Ким хоҳласа ўша бўлаверсин. Бу инсонларнинг саломатчилиги олдида иккинчи даражали. Асосийси - вирус устидан ғалаба қозониш, кейинги ўринда эса футбол муаммолари туради", - деди Мостовой РИА Новости билан суҳбатда.