Ушбу рукнимиздаги энг сўнгги янгиликлар билан таништиришда давом этамиз.

Доннарумма АПЛга ўтиши мумкин

Goal.com нашри берган хабарларга қараганда “Милан” дарвозабони тез орада АПЛ клубларидан бирида кўриниш бериши мумкин. Манба берган хабаларга қараганда, “россонери”лар киппери Жанлуиджи Доннарумма “Эвертон”, “Манчестер Юнайтед” ва “Челси” клублари нишонида турибди.

Маълумотларга қараганда, италиялик посбоннинг ўзи ҳам жамоасини ўзгартиришга қарши эмас. У олдига катта мақсадлар қўядиган клубда тўп суришни истамоқда.

Эслатиб ўтамиз, аввалроқ дарвозабон учун “Челси” ва ПСЖ “Милан”га 60 миллион евро таклиф қилган эди.

“Арсенал” кимни харид қилади?

Лондоннинг “Арсенал” жамоаси ёзда икки ҳимоячидан бирини сотиб олишга қарор қилди. Бу ҳақида “Le Gazzeta Della Sport” нашри маълум қилган.

Манба берган хабарларга суянадиган бўлсак, “кононирлар” бугунги кунда “Манчестер Юнайтед” ҳимоячиси Крис Смоллинг ва “Барса” аъзоси Умтитилардан бирини қўлга киритиш ишларини бошлаб юборишади.

Бугунги кунда “Арсенал” бу ҳимоячилардан фақат биттасинигина сотиб олишга қодир. Шу сабабли танлов осон бўлмаслиги аниқ. “Қизил иблислар” Смоллинг учун 20 миллион евро талаб қилаётган бўлса, каталонияликлар Умтитини 50 миллиондан камига қўйиб юбормоқчи эмас.

Коутиньо қаерга кетади?

“Барселона”нинг ҳужумкор ярим ҳимоячиси Филиппе Коутинонинг келажаги ҳали-ҳамон савол остида қолмоқда. Sport.es нашри берган хабаларга кўра, унинг ҳизматлари билан Лондоннинг “Челси” жамоаси жиддий қизиқиб қолган.

Манба берган хабарларга қараганда, “Челси” “Барселона”дан Коутиньони сотиб олиш шарти билан бир мавсумга ижарага олишга қарор қилган. Католиния клуби ҳам ўз футболчисини жамоада олиб қолмоқчи эмас.

Эслатиб ўтамиз, Коутино 2013-2018-йиллар оралиғида Англиянинг “Ливерпуль” жамоаси шарафини ҳимоя қилган. Маълумотларга қараганда, “Барселона” бразилиялик футболчининг трансферидан 90 миллион евро ишлаб олишни режалаштирмоқда. 27 ёшли футболчи айни дамда Мюнҳеннинг “Бавария” клуби сафида ижарада ҳаракат қилмоқда.

Ҳамес қаерга йўл олади?

Испаниянинг бир йўла бир нечта нашрлари берган хабаларга қараганда, “Реал Мадрид” жамоаси ярим ҳимоячиси Ҳамес Родригес ёзда АПЛ клубларидан бирига йўл олиши мумкин.

Уларда айтилишича, футболчининг кейинги манзили катта эҳтимол билан Ливерпулнинг “Эвертон” жамоаси бўлади. Шуниндегек, колумбиялик футболчининг ҳизматлари билан “Наполи”, “Вулверҳемптон” жамоалари ҳам жиддий қизиқиб қолган. Ҳамесни жамоа сафида шахсан Карло Анчелоттининг ўзи кўришни истамоқда. Шу сабабли, бу трансфернинг амлага ошиш эҳтимоли жуида юқори.

Эслатиб ўтамиз, “Eвертон” шунингдек “Латсио” ярим ҳимоячиси Луис Албертони ҳам нишонда ишлаб турибди.

“Барселона” ҳимоячиси “шпор”га айланиши мумкин

La Razonнашри берган хабаларга қараганда, “Барселона” жамоасига тегишли бўлган Марк Кукереля Лондоннинг “Тоттенҳем” жамоасига ўтиши мумкин. Айни дамда “Хетафе” сафида ижарада ҳаракат қилаётган қанот ҳимоячиси билан Лондоннинг “Арсенал” клуби ҳам қизиқиш билдирган.

Манба берган хабарларга қараганда, каталонияликлар ҳимоячи учун 20 миллион евро талаб қилишмоқда. Трансфер суммасининг катта эмаслиги боис Лондон клублари Маркни ёзда сотиб олишлари эҳтимоли жуда катта.

Аввалроқ “Барселона” Кукуреляни жамоада олиб қолиш режаси йўқлиги ва у борасидаги барча таклифларни кўриб чиқишга тайёрлигини маълум қилган эди.