Ushbu ruknimizdagi eng so‘nggi yangiliklar bilan tanishtirishda davom etamiz.
Donnarumma APLga o‘tishi mumkin
Goal.com nashri bergan xabarlarga qaraganda “Milan” darvozaboni tez orada APL klublaridan birida ko‘rinish berishi mumkin. Manba bergan xabalarga qaraganda, “rossoneri”lar kipperi Janluidji Donnarumma “Everton”, “Manchester Yunayted” va “Chelsi” klublari nishonida turibdi.
Ma’lumotlarga qaraganda, italiyalik posbonning o‘zi ham jamoasini o‘zgartirishga qarshi emas. U oldiga katta maqsadlar qo‘yadigan klubda to‘p surishni istamoqda.
Eslatib o‘tamiz, avvalroq darvozabon uchun “Chelsi” va PSJ “Milan”ga 60 million yevro taklif qilgan edi.
“Arsenal” kimni xarid qiladi?
Londonning “Arsenal” jamoasi yozda ikki himoyachidan birini sotib olishga qaror qildi. Bu haqida “Le Gazzeta Della Sport” nashri ma’lum qilgan.
Manba bergan xabarlarga suyanadigan bo‘lsak, “kononirlar” bugungi kunda “Manchester Yunayted” himoyachisi Kris Smolling va “Barsa” a’zosi Umtitilardan birini qo‘lga kiritish ishlarini boshlab yuborishadi.
Bugungi kunda “Arsenal” bu himoyachilardan faqat bittasinigina sotib olishga qodir. Shu sababli tanlov oson bo‘lmasligi aniq. “Qizil iblislar” Smolling uchun 20 million yevro talab qilayotgan bo‘lsa, kataloniyaliklar Umtitini 50 milliondan kamiga qo‘yib yubormoqchi emas.
Koutino qayerga ketadi?
“Barselona”ning hujumkor yarim himoyachisi Filippe Koutinoning kelajagi hali-hamon savol ostida qolmoqda. Sport.es nashri bergan xabalarga ko‘ra, uning hizmatlari bilan Londonning “Chelsi” jamoasi jiddiy qiziqib qolgan.
Manba bergan xabarlarga qaraganda, “Chelsi” “Barselona”dan Koutinyoni sotib olish sharti bilan bir mavsumga ijaraga olishga qaror qilgan. Katoliniya klubi ham o‘z futbolchisini jamoada olib qolmoqchi emas.
Eslatib o‘tamiz, Koutino 2013-2018-yillar oralig‘ida Angliyaning “Liverpul” jamoasi sharafini himoya qilgan. Ma’lumotlarga qaraganda, “Barselona” braziliyalik futbolchining transferidan 90 million yevro ishlab olishni rejalashtirmoqda. 27 yoshli futbolchi ayni damda Myunhenning “Bavariya” klubi safida ijarada harakat qilmoqda.
Hames qayerga yo‘l oladi?
Ispaniyaning bir yo‘la bir nechta nashrlari bergan xabalarga qaraganda, “Real Madrid” jamoasi yarim himoyachisi Hames Rodriges yozda APL klublaridan biriga yo‘l olishi mumkin.
Ularda aytilishicha, futbolchining keyingi manzili katta ehtimol bilan Liverpulning “Everton” jamoasi bo‘ladi. Shunindegek, kolumbiyalik futbolchining hizmatlari bilan “Napoli”, “Vulverhempton” jamoalari ham jiddiy qiziqib qolgan. Hamesni jamoa safida shaxsan Karlo Anchelottining o‘zi ko‘rishni istamoqda. Shu sababli, bu transferning amlaga oshish ehtimoli juida yuqori.
Eslatib o‘tamiz, “Everton” shuningdek “Latsio” yarim himoyachisi Luis Albertoni ham nishonda ishlab turibdi.
“Barselona” himoyachisi “shpor”ga aylanishi mumkin
La Razonnashri bergan xabalarga qaraganda, “Barselona” jamoasiga tegishli bo‘lgan Mark Kukerelya Londonning “Tottenhem” jamoasiga o‘tishi mumkin. Ayni damda “Xetafe” safida ijarada harakat qilayotgan qanot himoyachisi bilan Londonning “Arsenal” klubi ham qiziqish bildirgan.
Manba bergan xabarlarga qaraganda, kataloniyaliklar himoyachi uchun 20 million yevro talab qilishmoqda. Transfer summasining katta emasligi bois London klublari Markni yozda sotib olishlari ehtimoli juda katta.
Avvalroq “Barselona” Kukurelyani jamoada olib qolish rejasi yo‘qligi va u borasidagi barcha takliflarni ko‘rib chiqishga tayyorligini ma’lum qilgan edi.
