Аргентиналик футбол афсонаси Диего Армандо Марадона «Ливерпуль» клуби бош мураббийи Юрген Клоппни мақтади.
Диего Марадона Юрген Клоппнинг мухлисига айланди. Унга немис мутахассисининг ўйин услуби ва натижалари ёқаётганини билдирди.
«Менга Клопп олиб бораётган фалсафа ёқади. У «Боруссия»да ишлаган пайтида клуб унга шундай таъсир ўтказган деб ўйлагандим. Лекин акси бўлиб чиқди.
Клопп кўп нарсага интилар экан, бунинг учун у келажак учун ҳамма нарсани аста-секин амалга оширар экан. У «Ливерпул»нинг ўйинини қайтадан тиклади, улар ҳаттоки таркибини кучайтирмаса ҳам яна беш йил совринлар учун бемалол кураш олиб боришади. Ҳатто жамоада Клоппнинг ўзи бўлмаса ҳам.
«Ливерпуль» менинг севимли жамоамга айланди, чунки улар футбол – энг чиройли спорт тури эканлигини исботлаб беришди», — деди Марадона.
