«Манчестер Юнайтед» ҳужумчиси Одион Игало, «Лестер» ярим ҳимоячиси Вилфред Ндиди ва «Лилль» ҳужумчиси Виктор Осимхен Нигерияда йилнинг энг яхши футболчиси совринига даъвогарлар сафига киритилди.

"Nigeria Pitch Awards" соврини ушбу мавсумда кетма-кет еттинчи маротаба топширилади. Ушбу мавсумда 12та номинация бўйича ғолиблар аниқланади:

— йилнинг энг яхши дарвозабони;
— йилнинг энг яхши ҳимоячиси;
— йилнинг энг яхши ярим ҳимоячиси;
— йилнинг энг яхши ҳужумчиси;
— «Майдон қироличаси» (йилнинг энг яхши аёл футболчиси),
— «Майдон қироли» (йилнинг энг яхши футболчиси),
— йил жамоаси;
— йил мураббийи ва ҳоказо.

Ушбу совринлар орасида энг нуфузлиси «Майдон қироли» (даъвогарлар — Игало, Осимхен ва Ндиди) ва «Майдон қироличаси» ҳисобланади.