Маурисио Бенитес — 2010 йилдан бери футбол юлдузларининг портларини қимматбаҳо тошлардан ясаш билан машҳур. Айниқса, 3 йил олдин у "Барселона" сардори Лионель Мессининг суратини ясаб, унга ҳадя қилганидан сўнг янада машҳурликка эришди.

Ўшандан бери Маурисиога бир қатор таниқли футболчилар — Криштиану Роналду, Неймар, Дэвид Бекхэм, Роналдиньо ва Диего Марадона буюртмалар беришди. Уларнинг айримлари ўз портларини сотиб олиш учун 150 000 фунтгача пул тўлашди.

«Мессининг иши совға эди. Чунки, мен унинг ўйинидан ҳайратланаман, у жаҳондаги энг яхши футболчилардан бири. Унинг портрети учун 150 000 дона Сваровски тошлари кетган эди. Мен уни 30 кун давомида  тайёрлаганман. Бунинг учун Месси пул тўламаган. Аммо бу маълумот интернетга чиқарилганида, бу сурат 50 млн. фунтга баҳолангани ҳақида хабарлар пайдо бўлган эди», - деди Мистер Бенитес.

Ижодкорнинг фикрича, футболчилар ўз суратлари учун ўртача 80 000 - 150 000 фунт стерлинг пул тўлашади.