Германиялик машҳур собиқ футболчи Лотар Маттеус Жейдон Санчони Англияга қайтиб хато қилиши ҳақида гапирди.

«Ўйлайманки, Санчо фаолиятини Туманли Альбионда давом эттириш имконияти жуда юқори. Бироқ, мен уни «Челси» ёки «Ман Юнайтед» клубига нима мақсадда кўчиб ўтиш ниятида эканлигини тушунмаяпман? Бу клублар ҳатто ЕЧЛда ҳам иштирок эта олмасликлари мумкин.

Ишончим комилки, Санчога «Бавария»нинг футболкаси жуда ярашади. У ҳар икки қанотда ҳам бирдек ҳаракат қила олади.

Мен Джейдонни биринчи маротаба Евро U-17да кўргандим. ТВ орқали Норвегия терма жамоасига қарши ўйинни спортзалда томоша қилаётгандим. Чап қанот ярим ҳимоясида ажойиб ўйин намойиш этган Санчони ўйинларини томоша қилиш учун спортзалдаги югуриш йўлакчасида қотиб қолгандим», — деди Лотар Маттеус.