Россиялик сиёсатчи Владимир Жириновский коронавирус сабабли мамлакатда футболни тўхтатишга кўрсатма бермагани учун Белоруссия президенти Александр Лукашенкони кескин танқид остига олди.

"Лукашенко бутун сайёранинг устидан кулмоқда. Ҳамма жойда қатъий чоралар кўрилган, спорт тадбирлари бекор қилинган, бутун дунёда инсонлар уйда ўтиришга ҳаракат қилишмоқда, Белоруссияда эса ҳамма кўчада юрибди, ҳамма стадионда ўтирибди ва унинг ўзи эса хоккей ўйнаб юрибди. У ерда аллақачон бир неча ўнлаб одам бу касалликни юқтирган, улар орқали бир неча юз бўлади, кейин бир неча минг бўлади...

Бундай қилиш мумкинмас Александр Григорьевич! Бутун сайёрадагилар аҳмоқ, битта сиз ақлли инсонмисиз?", - деб пост қолдирди Жириновский ўзининг "Telegram" каналида.

Эслатиб ўтамиз, Белоруссия Европада ички чемпионат давом эттирилаётган ягона давлат бўлиб турибди. Лукашенко ҳозирги эпидемиологик вазиятни хавфли эмаслигини айтганди.