Лондоннинг "Челси" клуби собиқ футболчиси Алексей Смертин 2004 йили жамоага бош мураббий бўлиб келган Жозе Моуриньо билан дастлабки учрашувини хотирлади.
"Моуриньо АҚШдаги тижорий турнирдаги биринчи учрашувдан кейин ўзига хос бўлиб туюлди. У бизни йиғда ва "Йигитлар, Сизлар энг кучли чемпионатда, кучли клубда ўйнаяпсизлар ва Сизлар топ даражадаги футболчисизлар. Аммо, биз ҳеч нарса ютмадик, бу ерга ютиш учун келдик. Кейинги ўйиндан бошлаймиз", – деганди дея хотирлайди Смертин "Матч ТВ" телеканалига берган интервьюсида.
57 ёшли Моуриньо "Челси" клубини 2004 йилдан 2007 йилгача, шунингдек, 2013 йилдан 2015 йилгача бошқарган эди. "Аристократлар" унинг қўл остида уч марта Англия чемпионлигини, уч маротаба Англия Лига Кубогини, бир марта Англия Кубогини ва Англия Суперкубогини ютган.
