Аргентиналик футболчи Лионель Месси "Барселона" сафида кўплаб совринларни қўлга киритиб, турли рекордларни янгилаганига қарамай, клуб тарихидаги энг яхши ўйинчини аниқлаш мақсадида ўтказилган сўровномада 2-ўринни эгаллади.
"Ranker" фан-сайти орқали ўтказилган сўровномада Лео ҳамюрти Диего Марадонага кичик фарқ билан ютқазди. Эслатиб ўтамиз, Марадона 1982-1984 йилларда "Барса" шарафини ҳимоя қилган. Шундан сўнг у "Наполи"га ўтиб кетди.
Кучли учликка Роналдиньо кирди. Шунингдек, топ-10дан Йохан Кройф, Андрес Иньеста, Хави, Карлес Пуйоль, Роналдо, Дани Алвеш ва Луис Суарес ўрин олишди.
