Фаолиятини ижара асосида Дортмунднинг "Боруссия" клубида давом эттираётган Ашраф Хакимининг агенти Алехандро Камано "Реал" билан янги шартнома борасида ҳеч қандай музокаралар олиб борилмаганини тасдиқлади.
Аввалроқ, ҳуқуқий жиҳатдан "Реал"га тегишли бўлган 21 ёшли марокашлик футболчи "Қироллик клуби" билан янги шартнома имзолагани ҳақида хабарлар тарқатилганди.
«Бунга ҳеч қандай асослар йўқ. «Реал» клуби билан тузилган 2017 йилдаги шартнома ҳали ҳам ўз кучига эга ва 2022 йилгача давом этади. Ҳозир фақат кутиш керак. Ҳозирги қийин вазиятдан (коронавирус пандемияси-муаллиф) кейин «Реал» ва «Боруссия» клублари билан музокараларни бошлаймиз, – Каманонинг сўзларидан иқтибос келтирмоқда Spox.
