Италиянинг «Интер» клуби жамоа таянч ярим ҳимоячиси Марцело Брозович билан янги шартнома тузиш ишлари билан шуғулланмоқда. Янги шартномада футболчининг 60 миллионлик товон пули кўрсатилмайди дея хабар бермоқда La Gazzetta dello Sport.
Брозовичнинг амалдаги шартномаси 2022 йилнинг июнь ойигача амал қилади. Манбанинг ёзишича, янгиланиши кутилаётган шартноманинг муддати 2024 йилнинг ўртасигача кўзда тутилган.
27 ёшли Брозович «Интер» клуби сафига 2015 йилнинг январь ойида Загребнинг «Динамо» клубидан келганди.
Брозович жорий мавсумда 32 та учрашувда майдонга тушиб, учта гол киритиш билан бир қаторда, 5 та голга пас узатди.
