Нидерландиянинг "Аякс", Лондоннинг "Тоттенхэм" ва Миср терма жамоаси собиқ ҳужумчиси Аҳмад Ҳасан Мидонинг фикрича, Зинедин Зидан "Реал" клубини иккинчи марта қабул қилиб олганидан сўнг, жамоага ҳеч қандай янгилик олиб келмади.
- Менга Мадриднинг "Реал" клуби жуда ёқади. Бу менинг Испаниядаги энг севимли жамоам. Зидан иккинчи марта жамоани қабул қилиб олганидан сўнг, жамоага ҳеч қандай фойда бермади деб ҳисоблайман. Айтишади-ку, битта аёлга икки марта уйланмаслик керак. Футбол ҳозирги вазиятда иккинчи даражали нарсага айланди. Албатта, инқироз дунёдаги барча жамоаларга салбий таъсир қилади. Аммо, одамларнинг ҳаёти футболдан кўра муҳимдир, - Мидонинг сўзларидан иқтибос келтирмоқда AS нашри.
